മാന്ദ്യം

ജോലിയില്‍നിന്ന്

' പിരിച്ചു ' വിട്ടപ്പോഴാണ്,

വാരിയെല്ലിന്റെ ഒച്ചകേട്ടത്.

കൂലിയില്ലാതെ  

' തിരിച്ചു ' വന്നപ്പോഴാണ്,

വീട്ടുപെണ്ണിന്റെ തല തിരിഞ്ഞത്.

പിരിഞ്ഞ ദേഹവും തിരിഞ്ഞ തലയുമായ്

പിന്നിലേക്കാണ്‌ നടന്നുപോയതും. 

ഒരു കയറിന്റെ ബലം കൊടുത്താണ്

മുകളിലേക്കൊന്നു കയറിച്ചെന്നതും..  

ഇനി, 

പിരിഞ്ഞ തലയുള്ള തിരിഞ്ഞ ദേഹത്തെ

തിരിച്ചിറക്കുക.. 

പിരിവെടുക്കുക... 

പറഞ്ഞുനില്‍ക്കാതെ.. കരഞ്ഞു തീര്‍ക്കാതെ..

കരിഞ്ഞു തീരുമ്പോള്‍...

പിരിഞ്ഞുപോവുക ....