(1)
ഒരു വശത്ത് നിന്നും
മറു വശത്തേക്ക് നോക്കുന്നവരാരും
എന്നെ കാണാറില്ല.
എങ്കിലും, കൂട്ടിക്കുഴയാവുന്ന പ്രശ്നങ്ങളില്‍നിന്നും
പലതിനെയും വേറിട്ട്‌ നിര്‍ത്തുന്നത്
അച്ചടക്കമുള്ള, കരുണയില്ലാത്ത
എന്റെ നില്‍പ്പ് തന്നെയാണ്.
പരസ്പരം സ്വാതന്ത്ര്യത്തെക്കുറിച്ച്
പുലമ്പുമ്പോള്‍
എന്റെ സ്വാതന്ത്ര്യത്തെക്കുറിച്ചോര്
ആര്‍ക്കു നേരം?
മഞ്ഞും മഴയും വെയിലുമേറ്റ്
രാവും പകലുമില്ലാത്ത എന്റെ നില്‍പ്പ്..
പ്രകൃതി ക്ഷോഭങ്ങളിലും യുദ്ധങ്ങളിലും
എനിക്കുള്ള വേദന...
ആരറിയാന്‍?
എന്റെ ദുര്‍ബലതയെക്കുറിച്ച് മാത്രമേ
ആരും പറയാറുള്ളൂ, കേള്‍ക്കാറുള്ളൂ..
എഴുതാറുള്ളൂ, വായിക്കാറുള്ളൂ...
ഞാന്‍ വെടിയുണ്ടകളേറ്റുവാങ്ങുന്നതും അപകടങ്ങളെ വാരിപ്പുണരുന്നതും
ബോംബുവര്‍ഷങ്ങളില്‍ രക്തസാക്ഷിനിങ്ങളറിയുന്നുണ്ട് ..
അതിക്രമിച്ചു കയറുന്നവര്ക്കുപോ
ഞാനൊരു താക്കീതല്ല..
തടസ്സമാണത്രെ ..!
പരസ്യം ചെയ്യാന്‍...
കുപ്പക്കൂമ്പാരം ചേര്‍ത്തു വെക്കാന്‍..
വേശ്യകളുമായി വിലപേശാന്‍..
മുറി ബീഡിയും പാട്ട വെള്ളവുമായി
കുന്തിച്ചിരിക്കാന്‍ പോലും...
നാണമില്ലാതെ....
എന്നാലും
പക്ഷം ചേരാത്ത
എന്റെ അസ്തിത്വത്തെക്കുറിച്ചെങ്കിലും
എന്നെങ്കിലും,
ആരെങ്കിലും,
ഒരു വാക്ക്.....
(2)
ഞാനിങ്ങനെയൊക്കെ പറഞ്ഞുപോകുമെന്നാണ്
നിങ്ങള്‍ കരുതിയതല്ലേ..
എന്നാല്‍ നിങ്ങള്‍ക്കു തെറ്റി..
അടിമകളുടെ സങ്കടവും
ആദിവാസി മൌനവും രുചിക്കുന്നതുപോലെ
ഇത് കേട്ട് നിങ്ങളങ്ങനെ സുഖിക്കണ്ട..!
എന്റെ ശിലാജാഡ്യതയില്‍
ദൃഡനിശ്ചയമുണ്ട്
എന്റെ മൂകത രാക്ഷസമൌനമാണ് ..
ഒരു കശേരു.. ഒന്നിളക്കിയാല്‍ മാത്രം മതി..
മഹാപ്രളയത്തിന് ...
പലായനങ്ങള്‍ക്കും വിഘടനവാദങ്ങള്‍ക്കും
ചാരവൃത്തിക്കും എനിക്ക് വഴി തുറക്കാം...
പോരാട്ടങ്ങളില്‍..
നിങ്ങളിലാരേയും എനിക്ക് തോല്‍പ്പിക്കാം...
പുത്തന്‍ ജാലിയന്‍വാലാബാഗുകള്‍ കണ്ട്
നിങ്ങളെ ചുറ്റിനിന്നെനിക്ക് ചിരിക്കാം..
എന്തിനധികം!
നിങ്ങള്‍ മറഞ്ഞിരിക്കുമ്പോള്‍..
തലയിലേക്ക് ഒരു കല്ലടര് മാത്രം മതി....
നിങ്ങളുടെ പുത്തന്‍തലമുറതന്നെ
വീണ്ടുമെന്നെ കെട്ടിപ്പൊക്കും...
എന്റെ സാന്നിദ്ധ്യമില്ലാതെ
അവര്‍ക്കെങ്ങനെ ഉറങ്ങാന്‍ കഴിയും?
അതിനാല്‍, സൂക്ഷിക്കുക..
നിങ്ങള്‍ ഇരിക്കുമ്പോഴും കിടക്കുമ്പോഴും
ഞാന്‍ നില്‍ക്കുകതന്നെയാണെന്ന് ..
അപകടകരമായേക്കാമെന്ന് ..
ഓര്‍ക്കുക..!
എനിക്കും രണ്ടു വശമുണ്ടെന്ന്....
nannayitund ..pakshe evdeyekkeyo ..enikonnum manasilayilla
ReplyDeleteനന്ദി..
ReplyDelete