പങ്ക്

"മനുഷ്യന്‍ മതങ്ങളെ സൃഷ്ടിച്ചു...

മതങ്ങള്‍ ദൈവങ്ങളെ സൃഷ്ടിച്ചു...

മനുഷ്യനും മതങ്ങളും ദൈവങ്ങളും ചേര്‍ന്ന്

മണ്ണു പങ്കു വെച്ചു... മനസ്സ് പങ്കു വെച്ചു ...."

എന്ന് കവി.

പിന്നീടാണതുണ്ടായത് -

മണ്ണെല്ലാം ലോറി കയറിപ്പോയി..

മനസ്സ് കാടും..

സ്വല്‍പ്പം മണ്ണ് കടം ചോദിച്ചപ്പോള്‍

ദൈവം പറഞ്ഞു:

തനിക്കുള്ളതെല്ലാം 

മതങ്ങള്‍ക്കു കൊടുത്തെന്ന് ...

മത പ്രസ്താവനകളില്‍ ഇപ്രകാരവും:

പങ്കു മുഴുവനും 

ആരാധനാലയങ്ങള്‍ക്കും, ആതുര സേവനത്തിനും, 

വിദ്യാഭ്യാസ സ്ഥാപനങ്ങള്‍ക്കും മാത്രം...!

ഇനിയും പങ്കുവെക്കപ്പെടാത്ത ഒരു മനസ്സുമാത്രം

ഇപ്പോഴും പിറുപിറുക്കുന്നുണ്ട് : 

ഒരു 'ജാതി' മതം...

ഒരു 'ജാതി' ദൈവം...

ഒരു 'ജാതി' മനുഷ്യന്‍...