Monday 7 October 2013

പെണ്‍സിൽ മുറി

പീഡിപ്പിച്ച്
മുറിയിലടയ്ക്കപ്പെട്ട
അവളെ,
ഇന്നലെയാണ്
അവൻ
മോചിപ്പിച്ചത്.

മുഖം
കൂർപ്പിക്കാതെ
അവന്റെ വിരലുകൾ
മുറുകെ പിടിച്ചുകൊണ്ട്
അവളിപ്പോൾ
പുറത്തെ ചുമർ നിറയെ
കിളികളും പൂക്കളും
വരഞ്ഞുകൊണ്ടിരിക്കുന്നു.

പായും
തലയിണയും
അലസമായി കിടക്കുന്ന
മുറി തുറന്ന്,
അവളെ മാത്രം
തിരഞ്ഞുകൊണ്ടിരിക്കുന്നു...
അകത്തേക്ക്
മുഖം കൂർപ്പിച്ച്
മുറുക്കിപ്പിടിച്ച
കോമ്പസുമായി
മറ്റൊരുവൻ...

4 comments:

  1. ഏതോ പെന്‍സില്‍

    ആര്‍ക്കോ ഒരു കുത്ത്

    ReplyDelete
  2. നല്ല കവിത.ഭാവനയുടെ സൗന്ദര്യം വരികളിൽ.

    ശുഭാശംസകൾ....

    ReplyDelete
  3. മുന ഒടിഞ്ഞ പെൻസിൽ കൂർപ്പിക്കുമ്പോൾ ചിത്രശലഭങ്ങൾ പറക്കാറുണ്ട്

    ReplyDelete
  4. എത്ര മുന ഒടിഞ്ഞാലും വീണ്ടും
    വീണ്ടും ചെത്തി മുന കൂർപ്പിക്കാമല്ലോ...അല്ലേ

    ReplyDelete